8/04/2014

【台灣俚語】台語快消失了
和好友們分享老俚語，用力轉傳吧，能留多久算多久了 ^__^

*青暝仔娶某： 暗爽
* 乞丐背葫蘆 : 假仙
*放尿攪沙 : 做堆
*鴨蛋丟過溝 : 看破
*火燒林投：死心
*乞丐拜墓：卸祖公
*打不見藥單：註死
*蚊仔叮卵巴：歹打
* 茶古破孔：漏題(茶)
* 墓仔埔放炮：驚死人
* 戲棚頂的皇帝：做無久
*蚊仔叮牛角：無採工
* 鹽甕生蟲：豈有此理
*棺柴裡老鼠：吵死人
*食紅柿配燒酒：存死
* 鴨母放落埤：一去不回
*缺嘴吃米粉：看現現
*牽豬哥拍無見錢：無彩潲
*圓仔炒麵線：膏膏纏
*小卷、花枝：無血無目屎
*蕗蕎蔥：不成算;蒜
*啞巴壓死子：有苦說不出
*青暝吃圓仔：心裡有數
*牛爛拖土：毋是腳肖
*缺嘴咬目蚤：歹看兼吃力
*老人吃麻油 : 鬧熱;老熱
*碗盤車倒擔：去了了; 缺
*林投葉擦屁股：顛倒差;插
*嚴官府出厚賊，嚴父母出阿里不達
*娶著歹某，卡慘三代無烘爐，四代無茶鼓
*火燒姑寮全無望，擔沙填海了憨工
*不食牛犬，功名不顯，吃了牛犬，地獄難免
*嫁雞隨雞飛，嫁狗隨狗走，嫁乞丐背筊只斗
*與好人走，有布可經，與壞人走，有子可生
*正月寒死豬，二月寒死牛，三月寒死播田夫
*做雞著筅，作人著並，做牛著拖，做人著磨
*隨人的竹腳無竹刺，公家的廳堂生青苔
*寵豬舉灶，寵子不孝，寵查某子未落人的家教
*第一緣、第二錢、第三生美、四少年、五敢、六好膽、七痞、八綿爛、九強、十敢死

*人在江湖，身不由己
*人沒害虎心，虎有傷人意
*日頭赤炎炎，隨人顧生命
*媳婦哭禮數，女兒哭腹肚
*輸人毋輸陣，輸陣就歹看面
*頂司管下司，鋤頭管畚箕
*偷掠雞，也著了一把米
*家己種一叢，恰贏看別人
*十鳥在林，不如一鳥在手。
*樹頭顧乎在，不怕樹尾做風颱
*做到流汗，嫌到流涎
*緊事緩辦
*有樣看樣，沒樣家己想
*時到時擔當，沒米煮蕃薯湯
*識時務為英雄，知進退為俊傑
*一個半斤，一個 八兩
*龜笑鱉沒尾，鱉笑龜粗皮
*你看我普普，我看你霧霧
*一個滲屎的換一個洩尿的
*十肥九呆，無呆狀元才
*一聲不知，百聲無代
*人情留一線，日後好相看
*一貓，二矮，三蚺毛
*十子十媳婦，放一個老寡婦
*一人孽一樣，無人相親像
*人情世事陪甲到，鼎灶提去寄人兜
*一妻無人知，二妻相捨代
*大厝大海海，餓死無人知
*一代娶矮某，三代出矮鼓

有孝　（Lîm　Hàn-som）

逐个攏知影對爸母愛有孝，毋過，到底有幾个人做會到呢？有一句台灣俗語講了誠好，「講--的比做的較緊」，特別佇現代的社會，逐个無閒家己的工課，哪有閒工有孝爸母？

講是按呢講，毋過，去有孝爸母其實嘛誠簡單。親像我是一个12歲囡仔來講，頭起先（sing），我愛學會曉照顧家己的身體，莫（mài）予寒--著；莫予熱--著，才袂予爸母操煩。紲--落來，愛共家己的工課做予好，好好仔讀冊，予爸母歡喜，這--嘛是一種有孝。

「阿爸！阿爸！我來共你掠龍，予你輕鬆一下。」

「阿母！阿母！我宿題寫好矣！碗我來洗就好。」

你若佇爸母忝--的時陣，共司奶一下，爸母嘛會誠歡喜。

啥物是「有孝」？遮（tsiah）的--就是有孝，你隨時攏會當做，就看你欲做，抑（ia̍h）是毋做；只要會當（tàng）予爸母歡喜的，就是有孝。

有孝既然遮呢仔簡單，咱閣袂曉有孝，就比精牲較不如；莫（bo̍k）怪台灣有一句俗語咧講：「勸恁有孝千萬句，袂曉有孝豬狗牛。」

咱大漢了後，嘛會做人的爸母，咱敢（kám）欲向望咱ê囝兒序細（kiánn-jî-sī-sè）對咱不孝？而且「爸母疼囝長流水」；咱敢欲做一个「囝疼爸母樹尾風」的不孝子呢？

（一）【父母疼囝長流水；囝想父母樹尾風。】

義：父母疼囝長流水──無時停（永不休止）；囝想父母樹尾風──有時陣（偶爾像春風吹過樹梢）。

註：囝（ㄍㄧㄚˋ鼻音）。

（二）【手抱孩兒，才知爸母時。】

義：等到自己為人父母親，才知道養育兒女很辛苦，此時，才能體會自己的父母是多麼偉大。

註：孩兒（hai5-ji5；ㄏㄞˊ ㄖㄧˇ）

（三）【在生有孝一粒塗豆，較贏墓邊拜一粒豬頭。】

義：孝親應及時，薄養厚葬乃本末倒置。

註：（1）在生（ㄗㄞ７  ㄙㄝ鼻音）：活著的時候）。（2）塗豆：花生。

（四）【十囝十媳婦，剩一个老寡婦。】

義：（1）分擔責任的人太多，反而互相推託。（2）兒子各自成家，婆媳不合，落得老來孤單。

註：（1）媳婦（ㄒㄧmˊ/ㄒㄧㄣˊ  ㄅㄨˊ）。（2）个（ㄝˇ）：個

（五）【倖豬夯灶，倖囝不孝。】

義：慈母多敗兒。

註：（1）夯（giaˇ；丌ㄧㄚˇ）：把物舉高。（2）倖（ㄒㄧㄥˊ）：寵、溺愛

（六）【好囝毋免濟，濟囝碌死爸。】

義：教育遠比生育重要。一子成材貢獻社會勝過多子無成拖累家庭及社會。

註：（1）毋免：不用（2）濟（ㄗㄝ7）：多（3）碌（lik8；ㄌㄧㄥˋ短讀）：操勞

（七）【在生無人認，死了歸大陣。】

義：生時無人奉養，死後大家爭分遺產。

（八）【欠錢怨債主，不孝怨父母。】

義：倒果為因，毫不自省。

（九）【不孝媳婦三頓燒，有孝查某囝路裡搖。】

義：要珍惜當下所擁有的。手中的石頭勝過天邊的星鑽。媳婦雖不如人意，但三餐奉侍無缺，女兒雖好卻遠嫁天邊。

註：裡（在此讀如ㄌㄧㄣ）。

（十）【囝珍珠、某寶貝、老爸老母是路邊的爛柴皮，慢死是歹纏綴。】

義：諷刺子孫不孝。

註：纏綴（ㄉㄧˊ鼻音　˙ㄉㄨㄝ）：照顧；俸侍。

（十一）【生的請一邊，養的恩情較大天。】

義：養育教育遠重於生育。（父母豈可生而不養不教）

註：養（ㄧㄨˋ鼻音 ˙ㄝ；iunn2--e5）。較（ㄎㄚˋ，比、比較）。

看到這篇 “踢銅管仔” 「掩咯雞（ng-kok-ke）」佮「覕相揣（bih-sio-tshuē）」的　文章(bûn　tsiong)　足趣味

想起sè-hàn ê sî-tsūn(小時候) 囡仔的代誌　真趣味.  寫得足讚！

踢銅管仔 8/01/2013

踢銅管仔

1960年代，蹛佇彰化街仔的囡仔足時行耍「踢銅管仔」，雖罔號做「踢銅管仔」，其實彼管仔攏是用鐵管仔，無咧用銅管仔，這个鐵管是食品罐頭食了，毋挃（m̄-ti̍h）的鐵管仔；這个耍法佮「掩咯雞（ng-kok-ke）」抑是「覕相揣（bih-sio-tshuē）」的耍法誠相（sio-siâng）。

一開始，先佇塗跤畫一个圓箍仔，才閣共一个鐵管仔（tshāi）佇中央；欲耍的囡仔圍一个圓箍仔，才閣逐个開始tiám-lo̍h-tiám-tin-tang，點著啥人，彼个人就愛做「鬼」，負責掠人轉來做下一个「鬼」。

角色分配好了後，做「鬼」的愛徛佇圓箍仔頂，等人共「銅管仔」踢予遠遠，伊才趕緊去共「銅管仔」抾--轉來。這時陣，其他的人愛趕緊走去覕起來，若無，予做「鬼」的掠著，就愛換伊做「鬼」；這个中間，做「鬼」的嘛愛共「銅管仔」顧予好，若無，這个「銅管仔」予其他的人提著，伊就愛閣繼續做「鬼」，無通換人做，這誠好耍。

細漢的時，阮攏佇一間「水利會」內底咧耍「踢銅管仔」。

「水利會」是一間足大間的日本式辦公廳，四箍輾轉有足大的空地，用低低的牆圍仔圍--起來，辦公廳後爿有一个咧覕空襲的防空壕，遐是上好覕的所在，內底暗眠摸，覕佇內底，做「鬼」的是足歹揣著；沿牆圍仔內底種足濟欉大樹，若咧趕時間覕袂赴，就趕緊揣一欉樹仔來覕。這陣囡仔就攏佇這个牆圍仔內咧耍，阮會當覕佇防空壕內底，猶會使覕蹛柱仔抑是樹仔後，予做「鬼」的揣袂著閣掠袂著，實在好耍閣安全，序大人足放心予囡仔蹛遮耍。

「掩咯雞」抑是「覕相揣」的耍法佮「踢銅管仔」差一屑仔爾爾，差佇「掩咯雞」抑是「覕相揣」無用彼个「銅管仔」；做「鬼」的干焦徛、仆蹛樹仔前抑是柱仔前，共目睭掩起來，閣沓沓仔、大聲喝出1、2、3……20，等到逐家攏覕好勢了後，才開始去揣人，順紲閣掠人轉來做替死「鬼」。

阮這陣囡仔，無分查埔囡仔抑是查某囡仔，逐工放學了，攏會家己來遮相等，等到有四、五个人就會使開始耍，較濟人的時，閣較好耍。阮逐擺都耍甲袂記得轉去食飯，定定愛等到序大人來遮大細聲喝講：「轉來食飯喔！若無！欲共飯收--起來。」聽著遮个聲，阮才甘願煞；嘛四常因為按呢，轉去厝--裡攏會予序大人罵甲臭頭，毋過，這馬想起來嘛真趣味。

看著這馬的囡仔真少咧耍遮的齣頭，干焦看著的序大人規工載囡仔咧補習，心內嘛誠毋甘！毋知啥物時陣會當看著這馬的囡仔有法度佮較早仝款，有時間耍遮的齣頭？

1960年代，蹛佇彰化街仔的囡仔人足時行耍「踢銅管仔」，雖罔叫做「銅管仔」，其實是攏用鐵管仔，無咧用銅管仔，這个鐵管是食品罐頭食了，毋挃（m̄-ti̍h）的鐵管仔；這个耍法佮「掩咯雞（ng-kok-ke）」抑是「覕相揣（bih-sio-tshuē）」的耍法誠相（sio-siâng）。

一開始，先佇塗跤畫一个圓箍仔，才閣共一个鐵管仔（tshāi）佇中央；欲耍的囡仔圍一个圓箍仔，才閣開始tiám-lo̍h-tiám-tin-tang，點著啥人，彼个人就愛做「鬼」，負責掠人轉來做下一个「鬼」。

角色分配好了後，做「鬼」的愛徛佇圓箍仔頂，等人共「銅管仔」踢予遠遠，伊才趕緊去共抾「銅管仔」轉來。這時陣，其他的人愛趕緊走去覕起來，若無，予做「鬼」的掠著，就愛換伊做「鬼」；這个中間，做「鬼」的嘛愛共「銅管仔」顧予好，若無，這个「銅管仔」予其他的人提著，伊就愛閣繼續做「鬼」，誠好耍。

細漢時，阮攏佇一間「水利會」內底咧耍踢「銅管仔」，「水利會」是一間足大間ê日本式辦公廳，四箍輾轉有足大的空地用低低的牆圍--起來，辦公廳後爿有一个咧覕空襲的防空壕，牆圍仔內閣種足濟樹仔，這陣囡仔就攏佇這个牆圍仔內咧耍，阮會當覕佇防空壕內底，猶會使覕蹛柱仔後，抑是樹仔後，予做「鬼」的揣袂著閣掠袂著，實在好耍閣安全。

「掩咯雞」抑是「覕相揣」的耍法佮踢「銅管仔」差一屑仔，伊差佇「掩咯雞」抑是「覕相揣」無用彼个「銅管仔」；做「鬼」的干焦徛、仆蹛樹前抑是柱仔前，共目睭掩起來，閣沓沓仔、大聲喝出1、2、3……20，等到逐家攏覕好勢了後，才開始去揣人順紲閣掠人轉來做替死「鬼」。

阮這陣囡仔，無分查埔囡仔抑是查某囡仔，逐工放學了，攏會家己來遮相等，等到有四、五个人就會使開始耍。逐擺都耍甲袂記得轉去食飯，定定愛等甲序大人來遮大細聲喝講：「轉來食飯喔！」才肯煞；嘛四常因為按呢，轉去厝裡攏會予序大人罵甲臭頭，毋過，這馬想起來嘛真趣味。

看著這馬的囡仔真少咧耍遮的齣頭，干焦看著的序大人規工載囡仔咧補習，心內嘛誠毋甘！毋知啥物時陣會當看著囡仔會當佮較早仝款，有時間耍遮的齣頭？

佮西拉雅的初見面演講稿

各位評審老師、各位同學，逐家好

今仔日我要（欲）演講的題目是  『校外教學』真趣味

    古早人講：『百聞不如一見』實在一點矣（仔）都無毋對。舊年的彼逝『戶外教學』，毋但趣味，閣予我大開眼界。

　　會記得彼一工，阮去左鎮，參加『西拉雅文化巡禮』的

活動。一位自稱是「西拉雅公主」的老師𤆬阮去參觀當地的

博物館佮公廨，講解in的風俗kah文化予阮知。

伊講：古早古早有真濟平埔族的西拉雅人蹛佇遐。西拉

雅人是『母系社會』，亦就是查某人咧作主扞家。怹是「某娶

尪（翁）」，毋是「尪（翁）娶某」。查埔、查某若是互相有意愛，就會

手牽手，共族人紹介講對方是伊的「牽手」。嘿！哪會佮咱漢人

這馬講的「牽手」無相仝？

　　老師閣講：西拉雅人信仰「阿立祖」，in拜拜的所在叫

做「公廨」。彼「公廨」無像咱遮的廟寺遐爾水、嘛無門、

無奉祀神尊。干焦𥩴（tshāi）幾支水矸仔，內面插『澤蘭』，用檳榔、

菸kah酒來祭拜。

阮頭一擺看人拜水矸仔，感覺足奇怪。後來，才知影原來in是在拜矸仔內底的水。

　　彼一工的中晝頓，阮食當地真奇巧的食物。有用糯米

炊的「mai」、豉的木瓜絲、糋大肚魚仔、破布子煎卵，攏是

阮第一擺食著的物。

左鎮，是一个佇山地的小所在，所有的人口干焦五千人左右。無幾間厝、街仔路嘛無啥物車，看著真稀微，若親像是一個無人行跤到的所在！　

　　毋過，當地的人真用心咧保存家己的語言、風俗佮文

化」。這逝的『戶外教學』，予我一直無法度放袂記得。向望有一日，阮會當去參加in的夜祭，進一步來認捌西拉雅的文化。

　　最後，我欲用西拉雅話共逐家說多謝。

    　　　『媽顧　阿立立』！

 　　　　　我的演講就到遮。

食老進行曲

徛咧無元氣　　坐咧就哈唏

倒咧睏袂去　　出門無地去

無食愛生氣　　食飽𠢕放屁

見講講過去　　隨講隨袂記

要死無勇氣　　只好活下去

常用的閩南語諺語

這是台語的古早智慧話語，認真想一想古早人的生活智慧語錄是不是很有道理。

聽君一席話勝過十年書，有時從古人的生活經驗學習，也是可以得到很多的收穫哦！

臺北縣德音國小推動「臺灣母語日」活動閩南語大補帖集錦2

台文吐大氣 02  Tai-bunn- toh-tua-khui

                                                   陳榮廷  2011-10-3

註解：原住民話是在加護病房、客家話是在急診室、台灣話是在掛號中。前客委會主委葉菊蘭講e。

      逐家來講台灣話，來學看台文，學寫台文。咱台灣人吐大氣，有伊鬱悶無奈的苦情，大氣吐了，ma

      有伊積極振作的意志。咱就愛按日常生活，ti人的情份中顯示出活力，ti積極奮進中，揣出活落去的意義。

『天然e景色無國界』

Tsiah媠e景緻、tsiah天然e風景。koh khah雜插無閒的人看著這款e景緻kap風景，ma是目睭會愣去，跤步會慢落去，心肝頭tsuann恬靜落來，這就是奇美公司 許文龍董事長，一日kah暗ti溪邊，ti海上釣魚上大e原因。

有一擺，去美國加州 tsue按小學到今，攏真好的囡仔朋友，ti怹兜蹛一暝，隔轉工透早，伊講欲tsua我去附近e公園行行leh，我直接第一个反應，講恁tsia 就是公園a，無是欲去陀leh。厝起ti森林裡，人蹛个若親像是公園底，怹的生活機能是歇睏安靜，m是食物件買媠杉、做伙飲酒唱歌拉曲。他罕罕a轉來台灣一擺ah，朋友相掙ka創，連鞭吃飯、連鞭去tsue唱歌，hoo伊感覺真奇怪，咱有錢開無路，逐个人攏tsiann無聊，講咱be-hiau生活。

會記第一擺去美國e時，ti Hawaii落機，sua驚一跳。夭壽oh，樹仔大欉細欉、鳥仔ma有翼鼓kap跤、海水藍色白漾，ham咱ti台灣看著e攏仝款，原來大自然無國界，是人e幻想造成區別， giu長距離na-na。媠就是媠，ko khah無國界。對m對leh？

『千風之歌』

『千風之歌』捷捷聽，ma-be-sian，朋友mail來e板本tsiann-tse，這个板本be-bai。

『千風之歌』歌詞是來自美國印第安人一个查某人e手，頭起先是日本人去ka譜曲，用日文作e詞，好聽無跳針。ti 2006年日本歌壇『紅白歌唱大賽』中間，木村拓哉朗誦歌詞，hoo少年e歌手秋川雅史tshann一唱成名，日本人痟一暫；咱台灣按前總統李登輝，提頭當眾唱hoo逐个人聽以後，sua宛若風行台灣數年，到今燒be退。這三種（英、日、華）歌詞，憑頭對照ka看ka想，用日文ka念唱，人的性命nah會使即爾飃撇ka看待，永遠的數念nah會激發出，hoo人即爾媠ko高尚e幻想。聽講一寡老輩个，ma-tsiann飃撇指定，ti伊家己出山hit工，著愛放這條歌hoo聽。

楊正宗老師，你出山hit工，是我用台灣話ka你朗讀數念文e，你走起tsiann媠氣，ko-tsiann飃撇。過去khah少年e時陣，你若是去hoo貴黨刑逆，嚇驚你若無加入貴黨，就未得國，你攏講無要緊，你be保衛大台灣；食ka老，你迭迭笑咱e好朋友阿潔兄晚節不保，tann-a這馬你隨著千陣風走去天頂ah，透早透暗攏teh守護著咱台灣。阿宗a，你ai-tsiann歡喜，參禮拜前鳥鼠仔兄楊醫師按美國倒轉來，叫我就約恁某囝tsua咱去墓e，ka你祭拜；伊講明年一月ma-beh-ko倒轉來，阮某問講be創啥？，怹某應講beh轉來救台灣，家治開錢買飛行機票，轉來選總統。hit工你一定會變做一隻鳥仔ti天頂踅，用你的榮光唱你愛唱e『風醉雨也醉』hit條歌，來超渡阮遮个醉生夢死e台灣人。

聽著這條『千風之歌』，hoo我ko-tsai數念著過身去e好朋友，ma-e想講此去家己性命e浮沉，就愛飃撇、ma就愛媠氣。朋友a，你leh。

感謝 IMC聯合會邱秘書寄這封mail來。