佮西拉雅的初見面演講稿

各位評審老師、各位同學，逐家好

今仔日我要（欲）演講的題目是  『校外教學』真趣味

    古早人講：『百聞不如一見』實在一點矣（仔）都無毋對。舊年的彼逝『戶外教學』，毋但趣味，閣予我大開眼界。

　　會記得彼一工，阮去左鎮，參加『西拉雅文化巡禮』的

活動。一位自稱是「西拉雅公主」的老師𤆬阮去參觀當地的

博物館佮公廨，講解in的風俗kah文化予阮知。

伊講：古早古早有真濟平埔族的西拉雅人蹛佇遐。西拉

雅人是『母系社會』，亦就是查某人咧作主扞家。怹是「某娶

尪（翁）」，毋是「尪（翁）娶某」。查埔、查某若是互相有意愛，就會

手牽手，共族人紹介講對方是伊的「牽手」。嘿！哪會佮咱漢人

這馬講的「牽手」無相仝？

　　老師閣講：西拉雅人信仰「阿立祖」，in拜拜的所在叫

做「公廨」。彼「公廨」無像咱遮的廟寺遐爾水、嘛無門、

無奉祀神尊。干焦𥩴（tshāi）幾支水矸仔，內面插『澤蘭』，用檳榔、

菸kah酒來祭拜。

阮頭一擺看人拜水矸仔，感覺足奇怪。後來，才知影原來in是在拜矸仔內底的水。

　　彼一工的中晝頓，阮食當地真奇巧的食物。有用糯米

炊的「mai」、豉的木瓜絲、糋大肚魚仔、破布子煎卵，攏是

阮第一擺食著的物。

左鎮，是一个佇山地的小所在，所有的人口干焦五千人左右。無幾間厝、街仔路嘛無啥物車，看著真稀微，若親像是一個無人行跤到的所在！　

　　毋過，當地的人真用心咧保存家己的語言、風俗佮文

化」。這逝的『戶外教學』，予我一直無法度放袂記得。向望有一日，阮會當去參加in的夜祭，進一步來認捌西拉雅的文化。

　　最後，我欲用西拉雅話共逐家說多謝。

    　　　『媽顧　阿立立』！

 　　　　　我的演講就到遮。