陽明山 粉粉紅紅 ê櫻花
佇雺霧ê山中
拄著拄發（puh）出來粉粉紅紅ê櫻花
若親像（tshin-tshiūnn）抹紅仔粉的新娘
|
嬌滴滴(kiau-tih-tih)閣閉思（pì-su） |
|||
|
佇雺霧ê山中 春雨落佇櫻花ê花蕊（hue-luí） 一葩（pha）一葩 若親像閃閃爍爍（siám-siám-sih-sih）的寶石
佇雺霧ê山中 歡歡喜喜的男女(lâm-lí)佇櫻花欉下跤 攑手機仔對家己翕出上媠的鏡頭
佇雺霧ê山中 青笛仔佇花欉中跳舞（thiàu-bú） 若親像戀愛中ê男女糖甘蜜甜（thn̂g-kam-bi̍t-tinn）
|
|
三月初落濛濛仔雨，朋友𤆬（tshuā）阮到陽明山的花園佮竹仔湖𨑨迌。雺霧ê山中看著櫻花開甲足媠，雖罔落濛濛仔雨，一寡人嘛是攑雨傘佇咧欣賞櫻花閣攑（gia̍h）手機仔對家己翕出上媠的鏡頭。櫻花真媠櫻花跤的景致閣較媠。朋友定定來陽明山四箍圍仔的風景𨑨迌，伊駛車𤆬阮到竹仔湖閣較懸的山頂，伊講遐的風景足媠。有影雺霧這陣散去，阮佇遐會使得看著沙帽山(Se-bō-suann)佮竹仔湖的海芋田。 看著規山坪（suann-phiânn）攏是地熱，遐就是足出名的沙帽山(Se-bō-suann)。 洗溫泉的好所在。這擺足歡喜會當欣賞著陽明山後山的風景。嘛愛感謝朋友的熱心（jia̍t-sim）。
春雨落佇櫻花ê花蕊（hue-luí）
一葩（pha）一葩
若親像閃閃爍爍（siám-siám-sih-sih）的寶石
佇雺霧ê山中
拄著拄發（puh）出來粉粉紅紅ê櫻花
若親像（tshin-tshiūnn）抹紅仔粉的新娘
|
嬌滴滴(kiau-tih-tih)閣閉思（pì-su） |
朋友定定來陽明山四箍圍仔的風景𨑨迌，伊駛車𤆬阮到竹仔湖閣較懸的山頂，伊講遐的風景足媠。有影雺霧這陣散去，阮佇遐會使得看著沙帽山(Se-bō-suann)佮竹仔湖的海芋田。 看著規山坪（suann-phiânn）攏是地熱，遐就是足出名的沙帽山(Se-bō-suann)。
遮的土雞仔城料理真好食，菜頭粿，土雞仔肉，菜疏攏誠新鮮。閣有毋
免（m̄-bián）錢的蕃薯湯（han-tsî-thng）。實誠(tsiânn）腥臊。
台文作品欣賞 (1)
