太魯閣奇遇記 Amazing Taroko Trip -Part 2
頂擺來花蓮聽講慕 谷慕魚真好耍, 這擺就佮 Mori San 提議(thê-gī)想欲來去遐𨑨迌。阮對阮蹛的飯店坐(tsē) bus 到花蓮火車頭閣再坐客運(kheh-ūn)到銅門(tâng-mn̂g)派出所。落車的時陣到銅門派出所拄好干焦(kan-na)賰(tshun)阮三个人。阮欲來花蓮進前有辦登山證,到派出所才知影這馬慕谷慕魚不需要提早上網辦入山證。警察局的警察講阮較好運,歇熱(hioh-jua̍h)的時陣,逐工攏有二三千人。寒天人較少(tsió)空氣嘛較。
2014年7月,因為(in-uī)麥德姆颱風影響,造成慕谷慕魚生態廊道主要道路攏崩去,慕谷慕魚煞全面休山一年!
2015年5月,慕谷慕魚重新開放,毋閣全面禁止車輛進入(除當地居民及公務車例外)
慕谷慕魚是為著欲紀念佇200年前上早翻越中央山脈來到秀林銅門拓墾的某支太魯閣族人,慕谷慕魚原本是自" MukuMugi “音譯而來,太魯閣族語意為 " 從長滿藤蔓地方而來的人 ”。
仝車的妹妹講欲佮阮同齊行較趣味。阮沿木瓜溪(bo̍k-kue-khe)勻勻仔(ûn-ûn-á) 行, 沿路的景色足媠,足好運阮無專工來看楓仔,煞無意中看著轉紅的楓仔。山頂的雲霧隨時攏咧變化,阮行到著伊就綴阮行(kiânn)到著,若親像咧佮阮走相逐(tsáu-sio-jiok)仝款。 目睭看著攏是青翠(tshenn-tshuì)的森林樹木(tshiū-bo̍k),清清氣氣(tshinn-tshinn-khì-khì)的空氣予人的心境足清爽(tshinn-sóng)。木瓜溪的水若親像(ná-tshin-tshiūnn)藍綠色(nâ-li̍k-sik)的寶石仝款,無怪熱天(jua̍h-thinn)遐爾仔濟人愛來遮𨑨迌。阮看一寡人攏落去溪底耍水。阮著沓沓仔(ta̍uh-ta̍uh-á)落去溪底,褪赤跤(thǹg-tshiah-kha)佇溪底耍水。清涼的溪水予人袂記得世俗的煩惱(huân-ló)。阮佇半路拄著一个原住民(guân- tsū-bîn)-侯米爾(hâu-bí-nī),伊的翁婿佇半中站(puànn-tiong-tsām)的”石灰穴洞"咧賣山豬肉佮竹筒飯... 侯米爾是當地的居民,會使得開車,伊拄仔好去山頂挽插花的材料,講欲順紲載阮轉去銅門派出所。
侯米爾佮當地的居民為著欲保護(pó-hōo)他們的土地攏 拍拚(phah-piànn)足久。他們無愛財團佇遮起飯店,纜車... 遮爾仔媠閣自然的所在- 慕谷慕魚,著愛保持伊的原始,毋好佮伊破壞(phò-huāi)。 阮對 他們為著欲保護家己土地的拍拚足感動。加油!
阮對阮蹛的飯店坐(tsē) bus 到花蓮火車頭閣再坐客運(kheh-ūn)到銅門(tâng-mn̂g)派出所。
落車的時陣到銅門派出所拄好干焦(kan-na)賰(tshun)阮三个人。
足古錐的迎賓貓 進到 清水一號就開始黏著人...
木瓜溪的水若親像(ná-tshin-tshiūnn)藍綠色(nâ-li̍k-sik)的寶石仝款,無怪熱天(jua̍h-thinn)遐爾仔濟人愛來遮𨑨迌。 阮看一寡人攏落去溪底耍水。 阮著沓沓仔(ta̍uh-ta̍uh-á)落去溪底, 褪赤跤(thǹg-tshiah-kha)佇溪底耍水。 清涼的溪水予人袂記得世俗的煩惱(huân-ló)。