Gail Wonderland Blogger 歡迎來到 Gail 夢幻世界的 部落格

　太魯閣奇遇記 Amazing Taroko Trip -Part 1

佇四冬前, 為著欲慶祝阮的結婚(kiat-hun）紀念日, 阮坐太魯閣( Thāi-lóo-kooh)號的火車到花蓮𨑨迌。　料想袂到( liāu-sióng-bē-kàu)的是太魯閣( Thāi-lóo-kooh)號駛到楊梅的時陣, 煞去挵著一台停佇平交道(pîng-kau-tō)的砂石仔車( sua-tsio̍h-á-tshia),　彼陣頭前的車箱足濟人著傷.逐家攏真驚惶（kiann-hiânn)。　足傷心的是太魯閣號的司機為著欲救火車的人客，當場煞失去寶貴的性命(sènn-miā)。彼工台鐵派巴士佮阮攏總載去中壢，領隊(niá-tuī)的是佇火車頂咧清潔（tshing-kiat）的阿桑，伊雖罔驚甲青恂恂（tshinn-sún-sún），毋過伊𤆬（tshuā）阮坐火車去到台北。佇台北才閣坐火車到花蓮。　阮到花蓮已經下晡矣,逐家攏會當平平安安到花蓮著足感恩（kám-un）矣。

彼擺阮去花蓮的砂卡噹𨑨迌，熟似(si̍k-sāi）著一對退休的老師.𤆬（tshuā）阮去布洛灣，長春祠𨑨迌閣請(tshiánn)阮去食布洛灣上出名(tshut-miâ）的風味餐, 就按呢（tsiū-án-ne）太魯閣奇遇記的故事就開始矣。　花蓮有好山，好水閣有好的人情味。

今年一月阮閣再坐普悠瑪「Puyuma Express」來到花蓮。 一落車迎接（gîng-tsiap）阮的是溫暖的友情。　老師閣𤆬阮去達基力(崇德村的舊名叫 Takili 達基力) 食足有當地特色(ti̍k-sik)的料理 (郭媽媽　-彭秀蘭　太魯閣族)，十幾年前以簡單的茅草屋創立達基力部落屋(簡稱達基力風味餐廳）。　遮的料理足好食，竹筒(tik-tâng　)飯,炕豬跤，山蘇，用（iōng）野菜(iá-tshài）做的火鍋 湯頭（thng-thâu）袂䆀, 遮的野菜有足濟款,食起來有天然(thian-jiân）的好滋味。

達基力創意工作室的主人　- 郭文貴老師是位 木雕 石雕 油畫創意的藝術家。　他將漂流(phiau-liû)的木材變成藝術作品(gē-su̍t tsok-phín)。　老師𤆬阮去伊的工作室。　遐會使得看著清水斷崖(tuàn-gâi),。 郭老師的工作室四箍圍仔(sì-khoo-uî-á)　若親像（ná-tshin-tshiūnn）大自然(tāi-tsū-jiân)的畫布，莫怪(bo̍k-kuài)郭老師的作品遐爾仔豐富佮熱情。

這擺老師專工(tsuan-kang)欲𤆬阮去太魯閣𨑨迌。　Mori San 毋捌(m̄-bat）去過, 我佇畢業旅行的時陣捌來過一擺。 老師足貼心(tah-sim）沿路 停車（thîng-tshia）予阮欣賞上媠的的燕仔口步道，一路閣會當欣賞太魯閣峽谷,壺穴,湧泉佮　造型獨特的印地安酋長岩。　立霧溪流經燕子口 這段時，溪床特別狹窄而深，可謂「一線天」，溪流通過時，受到擠壓，速度加快，侵蝕增強，溪水就沿著節理豐富的大理岩層，雕鑿出優美壯麗的奇景。　花蓮的大理石 紋路(bûn-lōo）特別(ti̍k-pa̍t）媠， 大自然的力量(li̍k-liōng）真奇妙。　創造(tshòng-tsō）太魯閣這爾仔媠的好風景。

足感謝老師的熱情(jia̍t-tsîng）的 招待(tsiau-thāi）。　予阮佇花蓮感覺（kám-kak）特別溫暖佮趣味（tshù-bī）。　

老師𤆬阮去伊的工作室。　遐會使得看著清水斷崖(tuàn-gâi),。 郭老師的工作室四箍圍仔(sì-khoo-uî-á)　若親像（ná-tshin-tshiūnn）大自然(tāi-tsū-jiân)的畫布，莫怪(bo̍k-kuài)郭老師的作品遐爾仔豐富佮熱情。

老師足貼心(tah-sim）沿路 停車（thîng-tshia）予阮欣賞上媠的的燕仔口步道，一路閣會當欣賞太魯閣峽谷,壺穴,湧泉佮　造型獨特的印地安酋長岩。　立霧溪流經燕子口 這段時，溪床特別狹窄而深，可謂「一線天」，溪流通過時，受到擠壓，速度加快，侵蝕增強，溪水就沿著節理豐富的大理岩層，雕鑿出優美壯麗的奇景。