Gail Wonderland Blogger 歡迎來到 Gail 夢幻世界的 部落格

      　　　 　　熱人清爽透心涼的好所在 - 杉林溪　

歇熱𨑨迌的好所在 -杉林溪，有青翠的森林，透心涼的水沖(tsuí-tshiâng瀑布）予人看著真爽快，是熱人阮上愛來的好所在。佇逐年三月到四月是牡丹花開的季節，九月到十一月就會當欣賞繡球花（siù-kiû-hue），四季攏有花通欣賞。

　趁小妹 歇熱轉來，阮想欲𤆬阿母去溪頭𨑨迌。下早阮坐火車到高鐵站，遐真利便，有濟濟的巴士會使坐到溪頭。　阮坐這班車 拄好也有駛到衫林溪，。那知影阮阿母煞講伊想欲去 衫林溪，小妹佮我參詳了後，

阮決定𤆬阿母來去 衫林溪遊山玩水。

司機誠𠢕(gâu）講笑，真趣味（tshù-bī）。溪頭到衫林溪的山路彎彎斡斡。　司機若親像開甲誠熟手，攏袂予人感覺無爽快。 溪頭到 衫林溪沿路有 十二生相的路標尪仔，看著豬仔囝就知影到位矣。

　翕熱的山跤上少嘛有34,35度，毋夠來到遮，阮一落車就感覺吸著“芬多精”誠清爽,佇遮干焦１９度爾爾。這就是阮熱人上佮意來遮𨑨迌的好理由，清爽透心涼的好所在- 杉林溪。

阿母若親像囡仔仝款，一落車就吵腹肚枵（pak-tóo-iau），遮無足濟餐廳，阮等待(tán-thāi)誠久才共中晝頓款飽。因為阮愛閣趕下晡的車班轉去高鐵站，我佮小妹就趕緊(kuánn-kín）𤆬阿母去坐杉林溪遊樂區內底(lāi-té） 的bus去看松瀧岩水沖（tsuí-tshiâng　瀑布)。阮綴著岩石起(khí）的步道行，會使得看著大自然創造的景色　-鐘乳岩佮燕仔（ìnn-á）岫。 氣勢真驚人的水沖予阮足感動。

這馬猶閣有看著真媠的繡球花。干焦坐佇遮著感覺誠清涼。阮嘛愛感謝阿母因為伊想欲來杉林溪，我佮小妹嘛真歡喜有機會當𤆬阿母來遮𨑨迌。

有當時仔想欲去旅行，計畫誠久，攏去無成。雄雄決定的煞顛倒(tian-tò）真 好耍閣趣味。 

　翕熱的山跤上少嘛有34,35度，毋夠來到遮，阮一落車就感覺吸著“芬多精”誠清爽,佇遮干焦１９度爾爾。這就是阮熱人上佮意來遮𨑨迌的好理由，清爽透心涼的好所在- 杉林溪。

這馬猶閣有看著真媠的繡球花。干焦坐佇遮著感覺誠清涼。阮嘛愛感謝阿母因為伊想欲來杉林溪，我佮小妹嘛真歡喜有機會當𤆬阿母來遮𨑨迌。

我佮小妹就趕緊(kuánn-kín）𤆬阿母去坐杉林溪遊樂區內底(lāi-té） 的 Bus 去看松瀧岩瀑布(水沖tsuí-tshiâng)。綴著岩石起(khí）的步道行，會使得看著大自然創造的景色　-鐘乳岩佮燕仔（ìnn-á）岫。

氣勢真驚人的水沖予阮足感動。